Meria Fitriwati

Nama Meria Fitriwati, S.Pd mengajar di MAN 3 Pesisir Selatan Sumatera Barat. Berasal dari Kamang Mudik Kab. Agam Sumatera Barat. Tamatan S1 Pendidikan Bahasa In...

Selengkapnya
Navigasi Web

Jodoh

#TantanganGurusiana

Tantangan Menulis hari ke 26

Kalau bacarito masalah jodoh, yo lain pulo seronyo. Ndak nan mudo nan tuo juo sabana lamak caritonyo. Apo lai kalau mandanga carito apak-apak di lapau. Sabana ngeri carito apak-apak tu. Takana dulu katiko masih mudo, masih kuliah dan jadi guru di Bimbingan Belajar. Wakatu tu, kami guru Bimbel pai ka kadai lontong, ruponyo di situ banyak apak-apak, kiro-kiro anam urang. Mancaliak kami anak gadih, Yo sabana lamak caritonyo.

"Kok batambuah ciek lai, lai talok di angku ko?" Kecek apak nan duduak di sampiang. "Kalau mode Iko rancak-rancaknyo, tigo lai namuah mah kecek e". Tapaso kami capek-capek pai, daripado mandanga kecek apak-apak tu nan dak lamak di talingo.

Tapi lain lo carito kok samo gadang, sibuk mangecekkan anak bujang urang sajo. Ado nan dikaja-kaja laki-laki tapi inyo Ndak namuah. Ado pulo nan lah manjalin kasiah sajak kuliah tapi alun juo bajadi di palaminan. Nan parahnyo ado pulo, lah tamat kuliah indak nio dicarikan jodoh. Keceknyo masih ketek baru. Ha ha Iko yo sabana indak di aka lai. Lah jadi sarjana ketek juo baru keceknyo. Antah umua barapo nyo nio nikah.

Kadang jodohko yo sabana misteri. Ado nan bajodoh, katiko basobok di acara baralek kawan. Inyo pai baralek pulo, kenalan di situ, eee ndak lamo sasudah tu, nyo lah manyebarkan undangan sajo.

Ado lo nan basobok di FB, bajadi pulo. Nan Ndak kalah hebohnyo, kawan sakelas nan acok basitagang urek lihia kalau mangecek malah bajadi pulo inyo, itu iyo sabana indak manyangko wak tu. Kawan disemba nyo juo. Tapi ado pulo nan curi-curi pandang samo senior.

Katiko ayahnyo nio manjodohkan samo urang lain, nyo lah panik pulo mamakiakan senior tadi. Daripado hati bakato, bialah ditanyo juo senior ko. Mano tahu nyo suko pulo, eee ruponyo tapek bana langkah ko. Bajadi pulolah inyo jo senior.

Kiro-kiro baitu lah jodoh ko, yo sabana misteri dan ndak ado nan sabana tahu siapo jodohnyo. Di danga pulo carito bapak ibuk, ba a lo asa mulai basobok dan bajadi dulu.

Sabtu, 22 Februari 2020 jam 15.33 WIB oleh Meria Fitriwati

DISCLAIMER
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.

Laporkan Penyalahgunaan

Komentar

Mantul

22 Feb
Balas

He he tarimo kasih pak

22 Feb



search

New Post